27/09/2026
പുതിയത്
ഫിറ്റർ ഗ്രേഡ്-2 തസ്തികയിൽ സംസ്ഥാന ജലഗതാഗത വകുപ്പില്‍ നിന്നും ഒരു ഒഴിവ് റിപ്പോർട്ട് ചെയ്തിട്ടുള്ള വിവരം അറിയിക്കുന്നു.
ഫിറ്റർ ഗ്രേഡ്-2 തസ്തികയിൽ സംസ്ഥാന ജലഗതാഗത വകുപ്പില്‍ നിന്നും ഒരു ഒഴിവ് റിപ്പോർട്ട് ചെയ്തിട്ടുണ്ട്. നിശ്ചിത വിദ്യാഭ്യാസ യോഗ്യതയുള്ള ഉദ്യോഗാർത്ഥികൾക്ക് ഈ തസ്തികയിലേക്ക് ബന്ധപ്പെട്ട മാതൃ / ഭരണ വകുപ്പിൽ അപേക്ഷ സമർപ്പിക്കുകയോ, തസ്തിക മാറ്റ അപേക്ഷ സമർപ്പിക്കുകയോ, ഒറ്റത്തവണ അവസരം ഉപയോഗപ്പെടുത്തുകയോ ചെയ്യാവുന്നതാണ്.
27/09/2026
പുതിയത്
കംപ്യൂട്ടർ അസിസ്റ്റന്റ് ഗ്രേഡ്-2 തസ്തികയിൽ പൊതുഭരണ വകുപ്പില്‍ നിന്നും രണ്ട് ഒഴിവുകൾ റിപ്പോർട്ട് ചെയ്തിട്ടുള്ള വിവരം അറിയിക്കുന്നു.
കംപ്യൂട്ടർ അസിസ്റ്റന്റ് ഗ്രേഡ്-2 തസ്തികയിൽ പൊതുഭരണ വകുപ്പില്‍ നിന്നും രണ്ട് ഒഴിവുകൾ റിപ്പോർട്ട് ചെയ്തിട്ടുണ്ട്. നിശ്ചിത വിദ്യാഭ്യാസ യോഗ്യതയുള്ള ഉദ്യോഗാർത്ഥികൾക്ക് ഈ തസ്തികയിലേക്ക് അപേക്ഷ സമർപ്പിക്കുകയോ, തസ്തിക മാറ്റ അപേക്ഷ സമർപ്പിക്കുകയോ, ഒറ്റത്തവണ അവസരം ഉപയോഗപ്പെടുത്തുകയോ ചെയ്യാവുന്നതാണ്. അപേക്ഷ സമർപ്പിക്കേണ്ടത് അതത് ഉദ്യോഗാർത്ഥിയുടെ മാതൃവകുപ്പിലാണ് (മരണമടഞ്ഞ ജീവനക്കാരൻ ജോലി ചെയ്തിരുന്ന വകുപ്പ്). അപേക്ഷ സമർപ്പിക്കേണ്ടത് അതത് ഉദ്യോഗാർത്ഥികളുടെ അർഹത നിശ്ചയിച്ച സെക്രട്ടേറിയറ്റിലെ ബന്ധപ്പെട്ട ഭരണ വകുപ്പുകളിലാണ്. പൊതുഭരണ (സർവ്വീസസ്-ഡി) വകുപ്പിൽ ഉദ്യോഗാർത്ഥികൾ നേരിട്ട് സമർപ്പിക്കുവാൻ പാടില്ല.
27/09/2026
പുതിയത്
സമാശ്വാസ തൊഴിൽദാന പദ്ധതി: പരമാവധി 5 തസ്തികകൾ തിരഞ്ഞെടുക്കുന്നതിനുള്ള ഒറ്റത്തവണ അവസരത്തിനായുള്ള അപേക്ഷകൾ 2026 സെപ്റ്റംബർ 14 മുതൽ സമർപ്പിക്കാവുന്നതാണ്.
സംസ്ഥാന സർക്കാർ സർവീസിലിരിക്കെ മരണമടയുന്ന ജീവനക്കാരുടെ ആശ്രിതർക്കായുള്ള സമാശ്വാസ തൊഴിൽദാന പദ്ധതി പ്രകാരം, അപേക്ഷ സമർപ്പിച്ച് അർഹത നിശ്ചയിച്ചിട്ടും ഇതുവരെ നിയമനം ലഭിക്കാത്തവർക്ക് അവരുടെ നിലവിലുള്ള വിദ്യാഭ്യാസ യോഗ്യതയ്ക്കനുസൃതമായി (സമയ പരിധിക്ക് ശേഷം നേടിയ വിദ്യാഭ്യാസ യോഗ്യതകൾ ഉൾപ്പെടെ പരിഗണിച്ച്) 5 തസ്തികകൾ വരെ തിരഞ്ഞെടുക്കുന്നതിന് ഒറ്റത്തവണ അവസരം നൽകിക്കൊണ്ടുള്ളതാണ് G.O.(P) No.15/2026/P&ARD Dated: 14-09-2026 ഉത്തരവ്. പ്രസ്തുത അവസരം പ്രയോജനപ്പെടുത്തുന്നതിനായി ഉദ്യോഗാർത്ഥികൾ അപേക്ഷ സമർപ്പിച്ചതിന് ശേഷം, പിന്നേട് നേടിയ വിദ്യാഭ്യാസ യോഗ്യതയുടെ സ്വയം സാക്ഷ്യപ്പെടുത്തിയ പകർപ്പുകൾ സഹിതം അപേക്ഷ അതാത് മാതൃ വകുപ്പുകളിൽ (സെക്രട്ടേറിയറ്റിലെ ഉദ്യോഗാർത്ഥികളുടെ അർഹത നിശ്ചയിച്ച ബന്ധപ്പെട്ട ഭരണ വകുപ്പുകളിൽ) സമർപ്പിക്കേണ്ടതും, ഇതിനുള്ള നടപടികൾ പ്രസ്തുത ഉത്തരവ് തീയതിമുതൽ നാല് മാസത്തിനകം ബന്ധപ്പെട്ട ഭരണ വകുപ്പുകൾ അപേക്ഷകൾ സൂക്ഷ്മ പരിശോധന നടത്തി നടപടികൾ പൂർത്തിയാക്കി പൊതുഭരണ (സർവ്വീസസ്-ഡി) വകുപ്പിൽ ലഭ്യമാക്കേണ്ടതാണ്. പൊതുഭരണ (സർവ്വീസസ്-ഡി) വകുപ്പിൽ ഉദ്യോഗാർത്ഥികൾ നേരിട്ട് അപേക്ഷകൾ സമർപ്പിക്കുവാൻ പാടില്ല. അപേക്ഷ സമർപ്പിക്കുന്നതിനുള്ള മാതൃക ഈ വെബ്സൈറ്റിൽ 'എല്ലാ ഫോമുകളും' എന്ന മോഡ്യൂളിൽ ചേർത്തിരിക്കുന്നു. അപേക്ഷയോടൊപ്പം ഉള്ളടക്കം ചെയ്തിട്ടുള്ള പ്രൊഫോർമ അപേക്ഷകർ പൂരിപ്പിച്ച് നൽകേണ്ടതല്ല, ആയത് ബന്ധപ്പെട്ട ഭരണവകുപ്പുകൾ തയ്യാറാക്കേണ്ടതാണ്.
19/07/2026
വിവരം
നേരിട്ടുള്ള നിയമനങ്ങളുടെ ഉയർന്ന പ്രായപരിധി നാല് വർഷം വർദ്ധിപ്പിച്ചത് ആശ്രിത നിയമനങ്ങൾക്കും ബാധകമാണ്.
27/02/2026-ലെ സ.ഉ.(കൈ) നം.8/2026/P&ARD ഉത്തരവ് പ്രകാരം സംസ്ഥാന സർക്കാർ സർവീസിലേക്ക് പി.എസ്.സി മുഖേനയുള്ള നേരിട്ടുള്ള നിയമനങ്ങൾക്ക് അപേക്ഷിക്കുന്നതിനുള്ള ഉയർന്ന പ്രായപരിധിയിൽ 4 വർഷത്തെ വർദ്ധനവ് വരുത്തിയിട്ടുള്ളതാണ്. 29/03/2025-ലെ സ.ഉ (അച്ചടി) നം.4/2025/പി.&എ.ആർ.ഡി ഉത്തരവ് ഖണ്ഡിക X (1) പ്രകാരം, 'ഓരോ തസ്തികയിലും നേരിട്ടുള്ള നിയമനത്തിനായി നിശ്ചയിച്ചിട്ടുള്ള പ്രായപരിധി തന്നെയായിരിക്കും ആശ്രിത നിയമനത്തിനും ബാധകമാക്കുന്നത്' എന്ന് വ്യവസ്ഥ ചെയ്തിട്ടുണ്ട്. ആയതിനാൽ ആശ്രിത നിയമനത്തിനുള്ള ഉയർന്ന പ്രായപരിധിയിലും 4 വർഷത്തെ വർദ്ധനവ് ബാധകമാണ്. അതേസമയം 29/03/2025-ലെ സ.ഉ (അച്ചടി) നം.4/2025/പി.&എ.ആർ.ഡി ഉത്തരവ് ഖണ്ഡിക X (2) പ്രകാരം വിധവ/വിഭാര്യൻ, മരണമടയുന്ന അവിവാഹിതരായ ജീവനക്കാരുടെ മാതാപിതാക്കൾ, പാർട്ട് ടൈം/മുനിസിപ്പൽ കണ്ടിജന്റ് തസ്തികകളിലേക്കുള്ള നിയമനം എന്നിവർക്ക് ഈ ഉയർന്ന പ്രായപരിധി ബാധകമല്ലെന്നും അവർക്ക് വിരമിക്കൽ പ്രായം വരെ നിയമനം നൽകാം എന്നുള്ള പ്രത്യേക വ്യവസ്ഥയും നിലനിൽക്കുന്നതാണ്.
08/06/2026
പുതിയത്
ക്യാമ്പ് ഫോളോവര്‍ തസ്തികയിൽ ഒരു ഒഴിവ് റിപ്പോർട്ട് ചെയ്തിട്ടുള്ള വിവരം അറിയിക്കുന്നു.
ക്യാമ്പ് ഫോളോവര്‍ തസ്തികയിൽ പോലീസ് വകുപ്പില്‍ ആലപ്പുഴ ജില്ലയില്‍ നിലവില്‍ വന്ന ഒരു ഒഴിവ് റിപ്പോർട്ട് ചെയ്തിട്ടുണ്ട് എന്ന വിവരം അറിയിക്കുന്നു.
08/06/2026
പുതിയത്
കോണ്‍ഫിഡന്‍ഷ്യല്‍ അസിസ്റ്റന്റ് ഗ്രേഡ്-2 തസ്തികയിൽ പൊതുഭരണ വകുപ്പില്‍ നിന്നും ഒരു ഒഴിവ് റിപ്പോർട്ട് ചെയ്തിട്ടുള്ള വിവരം അറിയിക്കുന്നു.
കോണ്‍ഫിഡന്‍ഷ്യല്‍ അസിസ്റ്റന്റ് ഗ്രേഡ്-2 തസ്തികയിൽ പൊതുഭരണ വകുപ്പില്‍ നിന്നും ഒരു ഒഴിവ് റിപ്പോർട്ട് ചെയ്തിട്ടുണ്ട്. പ്രസ്തുത തസ്തികയുടെ സീനിയോറിറ്റി ലിസ്റ്റിൽ നിലവിൽ ആരും ഉൾപ്പെട്ടിട്ടില്ല. യോഗ്യരായവർക്ക് ഈ തസ്തികയിലേക്ക് അപേക്ഷ സമർപ്പിക്കുകയോ തസ്തിക മാറ്റ അപേക്ഷ സമർപ്പിക്കുകയോ ചെയ്യാവുന്നതാണ്. അപേക്ഷ സമർപ്പിക്കേണ്ടത് അതത് ഉദ്യോഗാർത്ഥിയുടെ മാതൃവകുപ്പിലാണ് (മരണമടഞ്ഞ ജീവനക്കാരൻ ജോലി ചെയ്തിരുന്ന വകുപ്പ്).
20/05/2026
അപ്ഡേറ്റ്
നൈറ്റ് വാച്ച്മാന്‍ തസ്തികയിൽ രണ്ട് ഒഴിവുകള്‍ റിപ്പോർട്ട് ചെയ്തിട്ടുള്ള വിവരം അറിയിക്കുന്നു.
കോളേജ് വിദ്യാഭ്യാസ വകുപ്പിൽ 'നൈറ്റ് വാച്ച്മാൻ' തസ്തികയിൽ നിലവിലുള്ള രണ്ട് ഒഴിവുകളിലേക്ക് (കോഴിക്കോട് ജില്ല-1, പാലക്കാട് ജില്ല-1) ആശ്രിത നിയമനത്തിന് അപേക്ഷനല്‍കി നിയമനം കാത്തിരിക്കുന്ന എഴാം ക്ലാസ് പാസായതും ബിരുധം നേടാത്തവരുമായ ഉദ്യോഗാർത്ഥികളിൽ നിന്നും തസ്തികമാറ്റ അപേക്ഷ ക്ഷണിക്കുന്നു. പ്രസ്തുത തസ്തികയിൽ നിയമനം ആഗ്രഹിക്കുന്ന ആശ്രിതരായ ഉദ്യോഗാർത്ഥികൾ, തങ്ങളുടെ സമ്മതപത്രം പൊതുഭരണ (സർവീസസ്-ഡി) വകുപ്പിൽ നേരിട്ട് സമർപ്പിക്കുകയോ. അല്ലെങ്കിൽ, ഉദ്യോഗാർത്ഥികളുടെ മാതൃവകുപ്പില്‍ (മരണമടഞ്ഞ ജീവനക്കാരൻ ജോലി ചെയ്തിരുന്ന വകുപ്പ്) തസ്തിക മാറ്റ അപേക്ഷ സമർപ്പിച്ച് നിശ്ച്ചിത മാതൃകയിലുള്ള പ്രൊഫോര്‍മ ഈ വകുപ്പിലേക്ക് അടിയന്തരമായി ലഭ്യമാക്കുകയോ ചെയ്യേണ്ടതാണ്.
20/05/2026
അപ്ഡേറ്റ്
ഓവർസിയർ ഗ്രേഡ് III (സിവില്‍) തസ്തികയിൽ 11 ഒഴിവുകൾ റിപ്പോർട്ട് ചെയ്തിട്ടുള്ള വിവരം അറിയിക്കുന്നു.
ഓവർസിയർ ഗ്രേഡ് III (സിവില്‍) തസ്തികയിൽ 11 ഒഴിവുകൾ നിലവിലുണ്ട്. ആയതിൽ ഒരു ഒഴിവ് പൊതുമരാമത്ത് വകുപ്പിൽ നിന്നും, രണ്ട് ഒഴിവുകൾ തദ്ദേശ സ്വയം ഭരണ വകുപ്പിൽ നിന്നും, 8 ഒഴിവുകൾ ജലസേചന വകുപ്പിൽ നിന്നും റിപ്പോർട്ട് ചെയ്തിട്ടുള്ളവയാണ്. പ്രസ്തുത തസ്തികയുടെ സീനിയോറിറ്റി ലിസ്റ്റിൽ ഉൾപ്പെടുവാന്‍ ആഗ്രഹിക്കുന്ന യോഗ്യരായ ഉദ്യോഗാര്‍ത്ഥികക്ക് ഈ തസ്തികയിലേക്ക് അപേക്ഷ സമർപ്പിക്കുകയോ തസ്തിക മാറ്റ അപേക്ഷ സമർപ്പിക്കുകയോ, ഒറ്റത്തവണ അവസരം ഉപയോഗിക്കുകയോ ചെയ്യാവുന്നതാണ്. അപേക്ഷ സമർപ്പിക്കേണ്ടത് അതത് ഉദ്യോഗാർത്ഥികളുടെ അർഹത നിശ്ചയിച്ച സെക്രട്ടേറിയറ്റിലെ ബന്ധപ്പെട്ട ഭരണ വകുപ്പുകളിലാണ്. പൊതുഭരണ (സർവ്വീസസ്-ഡി) വകുപ്പിൽ ഉദ്യോഗാർത്ഥികൾ നേരിട്ട് അപേക്ഷകൾ സമർപ്പിക്കുവാൻ പാടില്ല.
02/05/2026
പുതിയത്
സിവിൽ പോലീസ് ഓഫീസർ തസ്തികയിൽ ആശ്രിത നിയമനത്തിനായി 50 ഒഴിവുകൾ നിലവിലുള്ള വിവരം അറിയിക്കുന്നു.
പൊതുഭരണ (സർവ്വീസസ്-ഡി) വകുപ്പിൽ സിവിൽ പോലീസ് ഓഫീസർ തസ്തികയിൽ ആശ്രിത നിയമനത്തിനായി നിലവിൽ 50 ഒഴിവുകൾ റിപ്പോർട്ട് ചെയ്തിട്ടുണ്ട്. ഈ തസ്തികയിലേക്ക് സ്ത്രീപുരുഷ ഭേദമന്യേ അപേക്ഷിക്കാവുന്നതാണ്.
പ്രായപരിധിയും ഇളവുകളും:
പൊതു വിഭാഗം: 30 വയസ്സ്.
ഒ.ബി.സി (OBC): 3 വർഷം ഇളവ്.
എസ്.സി/എസ്.ടി (SC/ST): 5 വർഷം ഇളവ്.
അപേക്ഷ സമർപ്പിക്കുന്ന തീയതിയിൽ നിശ്ചിത പ്രായപരിധി കവിയാൻ പാടില്ല.
പ്രത്യേക ഇളവ്: മരിച്ച ജീവനക്കാരന്റെ ഭാര്യ/ഭർത്താവ് എന്നിവർക്കും, മരണമടഞ്ഞ അവിവാഹിതനായ ജീവനക്കാരന്റെ മാതാപിതാക്കൾക്കും ഈ തസ്തികയിൽ ഉയർന്ന പ്രായപരിധി ബാധകമല്ല.
അപേക്ഷിക്കേണ്ട വിധം:
1. അപേക്ഷകൾ ഉദ്യോഗാർത്ഥിയുടെ മാതൃവകുപ്പിലാണ് (മരണമടഞ്ഞ ജീവനക്കാരൻ ജോലി ചെയ്തിരുന്ന വകുപ്പ്) സമർപ്പിക്കേണ്ടത്.
2. മാതൃവകുപ്പ് അപേക്ഷ പരിശോധിച്ചു പ്രായപരിധി, വിദ്യാഭ്യാസ യോഗ്യത എന്നിവ ഉറപ്പുവരുത്തുന്നു.
3. തുടർന്ന് അപേക്ഷ ആഭ്യന്തര (കെ) വകുപ്പ് മുഖേന സ്റ്റേറ്റ് പോലീസ് ചീഫിന് കൈമാറുന്നു.
4. സ്റ്റേറ്റ് പോലീസ് ചീഫ് ഉദ്യോഗാർത്ഥികളുടെ ശാരീരിക അളവെടുപ്പ്, കായികക്ഷമതാ പരിശോധന എന്നിവയുടെ തീയതിയും സമയവും നിശ്ചയിച്ച് അവരെ അറിയിക്കുന്നതാണ്.
29/04/2026
അപ്ഡേറ്റ്
ക്ലാർക്ക് തസ്തികയിലും സെക്രട്ടേറിയറ്റ് അസിസ്റ്റന്റ് തസ്തികയിലും അപേക്ഷിക്കുന്നവരുടെ ശ്രദ്ധക്ക്.
ക്ലാർക്ക് തസ്തികയിലും സെക്രട്ടേറിയറ്റ് അസിസ്റ്റന്റ് തസ്തികയിലും അപേക്ഷിക്കുന്നവർ പ്രസ്തുത തസ്തികകളിൽ സൂപ്പർന്യൂമററി നിയമനങ്ങൾ ക്രമീകരിക്കുവാൻ ശേഷിക്കുന്നു എന്ന വിവരം ആദ്യം അറിയിക്കുന്നു. ക്ലാർക്ക് തസ്തികയിൽ 105 സൂപ്പർന്യൂമററി ജീവനക്കാരെയും, സെക്രട്ടേറിയറ്റ് അസിസ്റ്റന്റ് തസ്തികയിൽ 40 സൂപ്പർന്യൂമററി ജീവനക്കാരെയും ഇനി ക്രമീകരിക്കുവാനുണ്ട്. ഇവരെ എല്ലാവരേയും റഗുലർ ഒഴിവുകളിൽ ക്രമീകരിച്ച ശെഷമെ സീനിയോറിറ്റി ലിസ്റ്റിൽ ഉൾപ്പെട്ടിട്ടുള്ളവർക്ക് സീനിയോറിറ്റി ക്രമമനുസരിച്ച് നിയമനം ലഭിക്കുകയുള്ളു.
